नेपालको 'ब्रिज कोर्स' (Bridge Course in Nepal)

२०६३ को S.L.C हिजो अस्तिमात्र सकियो। S.L.C सकिन साथ अहिले Bridge Course को बाढी नै आएको छ। च्याउ सरी उम्रिएको अव्यवस्थित institute हरु र तिनले निकालेको भद्रगोल विज्ञापनको मारमा पत्रिकाको समाचारहरुले पर्याप्त स्थान नपाएको देख्दा दिक्क नै लागेर आएको छ। अझ कुनै-कुनैले त आफुहरु १९-२० वर्षदेखि नै Bridge course को सेवा प्रदान गरेको रे। यो पढदा त उदेक लागेर आयो। यो कसरी भो? मैले २०५२ सालमा S.L.C दिदाँ न त्यति खेर कुनै Bridge Course भन्ने चीज थियो न कुनै च्याउ उम्रेको झै instituteहरु । त्यो १९-२० वर्षको गफ दिनेहरुले त २०४६ सालको जनआन्दोलन भन्दा अगाडि देखिनै पो त्यो सेवा देको सुन्दा त 'गजब छ बा' जस्तो लाग्यो। विश्वबिधालयको भन्दा पनि पुरानो इतिहास तिनीहरुको? यस्ता गफाडीहरुले S.L.C. को व्यापार गर्ने भो ठानेर यसो समाचार पढुँ भनेर अर्को पाना पल्टाको, त्यहाँ त झन अर्को पटके instituteको 'खबरदारी' जस्तो सुचना पो र छ। तिनीगरुको सुचनाको heading नै कस्तो, मानौ तिनीहरु कुनै औपचारिक आधिकारिक सरकारी निकाय होस्। तल :-
Cuttings from a local daily
त्यो पढेपछि के लाग्यो भने Bridge Course सञ्चालन गर्ने जिम्मा चाँहि तिनीहरु कै टाउकोमा आउनु पर्ने रे । तिनीहरुको बाउले Bridge Course को ठेक्का तिनीहरुलाइ मात्र देको जस्तो,अरु च्याउ सरी उम्रेका institute हरुको भरमार खेदो गरेको रहेछ । अब दुइ लाख भन्दा बढीले यसपालि S.L.C देका छन,सबतिर Bridge Course को हावा लाग्या बेला जसरी पनि दुइ-चार रुपैया कमाउ भन्ने सब 'च्याउ'हरुको उद्देश्य होला, तर त्यो एउटा 'च्याउ'ले त्यसरी "गम्भीर ध्यानाकर्षण" भन्दै सुचना प्रकाशित गरेपछि म जस्तो त्यो business मा केही सरोकार नभाकोलाइ शुद्द केही नलेखि बस्नै सकिन।

यसरी सब 'च्याउ'हरु रङि्गन आकर्षक बिज्ञापन गरेर को-भन्दा को कमको होडबाजी गर्दै शुद्ध व्यापार गरिरहेका छन्। आजकाल समाचार कम,विज्ञापनको त्यो पनि यी "Bridge Course"वालाहरुको ताँती देखे पछि वाक्क-दिक्क-प्याक्क लागेर आँउछ।

म पक्कै पनि S.L.C दिएर बसेकाहरुले Bridge Course गर्नु हुन्न भन्ने पक्षमा छैन तर यस्ता व्यापारीले गरेको खेतीमा गएर नफसुन् भन्ने मात्र हो जसको एकमात्र उद्देश्य भनेको पैसा हड्पनु हो।

विधार्थी स्वँयले विवेकशील भइ आफुभन्दा ठुला-वडा,शिक्षकहरु,दाजुहरुसँग परामर्श गरी उचित ठाँउमा गइ आफ्नो क्षमतालाइ त्यतिकै चुप लाएर बस्न नदिइ निरन्तर कुनै विषयमा अध्ध्यन गराउने बानी नै Bridge Course को उद्देश्य हो। सम्भवत यसले आउने दिनको शिक्षाको लागि पनि सहयोग गर्ने छ यदि आफुलाइ पायक पर्ने विषयवस्तुलाइ शुरु मै Bridge Course अन्तर्गत अध्ध्यन गरिएमा।
तर भोलिका दिनमा शिक्षा निति परिवर्तन भएर १२ कक्षा सम्मलाइ S.L.C बनाउने तयारी गरिरहेको अवस्थामा यो पटके 'च्याउ'हरुले कसरी आफ्नो स्वरुप फेर्ला, त्यो त आउने दिनले नै देखाउने छ।